原创 薛理勇 海上梦叠
作者：薛理勇
沪语改写：周红缨
讲述：洪瑛
推荐：丁迪蒙
编辑：王乙其
上海人拿玩耍讲成功“白相”，从前上海滑稽戏有《白相大世界》，我査了将近10种上海方志以及有关上海方言个书，侪呒没收录过“白相”迭个词，一直到今朝也呒没人对上海闲话个“白相”作过释文，迭个“白相”、确实是有点难白相个。
最近读《姑苏府志》（即苏州府志），勒方言卷当中有“薄相”搿一条，注解是：儿童嬉耍曰“薄相”，薄，音同“勃”。原来，“白相”是“薄相”个误解，而“薄相”又读成功“勃相”，勒吴方言当中，“勃”又搭“白”是同音字；《民国法华乡志》（法华乡现在属于长宁区，法华镇就是现在个法华镇路）“方言”卷里有“嬉游曰孛相”，注解是：“见黄山谷（庭坚）与范长老书：韩十逐日上学，且护其薄相耳。疑即此。”
“薄相”按词义，一般可以解释成为命薄个穷相，比方《古乐府》当中有：“儿已薄禄相，幸复得此妇”，——我一副穷相，幸亏得到迭个老婆。又比方，杨万里个诗里有得“薄相红梅学杏装”，指个也是命运多舛个红梅学起了杏花个打扮。又比如，苏东坡《次韵黄鲁直赤目诗》当中讲：“天公戏人亦薄相，略遣幻翳生明珠”，迭搭个“薄相”也只能解释为刻薄而喜怒无常个意思（《辞海》引用迭首诗，并解释伊是玩耍、游玩，好像勿大妥当)。显然，“薄相”指“穷相”、“寒酸相”，也就是“呒没出息”个意思，古人提倡“唯有读书高”，邪气注重对儿童个幼期教育，因此，常庄讲勤于苦读个小囡是“有出息”，而桀骛不驯个顽童只能是“薄相”一一呒没出息了。直到今朝，阿拉还好听到家长训斥小囡：“侬还勿好好叫去读书——呒没出息个小囡”，辰光长了，大家拿只晓得玩耍个小囡称为“薄相”。上引黄山谷书中“韩十逐日上学，且护其薄相耳”，译成白话就是：韩十（迭个小囡）过几天要去读书了，也许可以因此改变伊个“薄相”了。由于小囡贪玩是“薄相”，以后，“薄相”又误传为小囡贪玩，又演变成游耍搭游玩了。
以上推论，只不过是“弄弄白相相”，假使有勿当之处嘛，恳请大家指正。
——————————————————————————————
作者：薛理勇
讲述者：洪瑛
——————————————————————————————
丁迪蒙
迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
————————————————————————————
欢迎大家关注丁老师的另一沪语平台：启迪心田沪语
原标题：《“白相”是啥个意思》